LAOAG CITY – Sinuspenso ti Estados Unidos ti panangiproseso dagiti immigration visas manipud iti 75 a pagilian.
Basar iti State Department, daytoy ket kas paset iti napaigetan nga immigration crackdown-da.
Karaman kadagiti pagilian ket iti Thailand, Yemen, Brazil, Russia, Nigeria ken Afghanistan.
Agbalin nga epektibo daytoy inton Enero 21 tapno masigurado nga awan ti baro nga immigrants ti mabenepisiaran iti baknang ti Amerika.
Inlawlawag ti State Department a saan a naapektaran ditoy dagiti mangal-ala ti visitors visas.
