LAOAG CITY – Temporaryo nga ikkaten ti Estados Unidos dagiti tropa da idiay Chad.
Daytoy ket sumagmamano nga aldaw kalpasan nga immanugot ti Amerika nga ikkaten da aminen dagiti soldado da iti Niger a kaparanget a pagilian ti Chad.
Inrakurak ni US Pentagon Press Secretary Maj Gen Pat Ryder a plano ti Estados Unidos nga i-reposition ti sumagmamano a military forces manipod iti Chad.
Nupay kasta, saan a naibaga ni Ryder no mano dagiti maapektaran ken sadinno ti pakaikabilan da paylaeng.
Inlawlawag na a daytoy ket temporaryo laeng nga addang da bayat ti panangrebisar da ti security cooperation da.
