LAOAG CITY – Tumulongen ti United States investigators iti panag-plane crash ti pampasahero nga eroplano idiay South Korea a nakatayan ti 179 nga indibidual.
Segun ken ni Joo Joong-wan ti transport ministry official, naaladan ti flight data ken cockpit voice recorder ti nasao nga eroplano.
Babaen iti daytoy, ditoy a maammoan ti makaigapu ti aksidente a ti inisyal ket gapu iti bird strike.
Agtalinaed a nakaserra ti nasao a runway ti eropuerto ti agingga inton Enero 1.
Nagturong payen iti lugar a nakapasamakan ni South Korea acting president Choi Sang-mok nga inpasiguradona nga aramidenda ti amin a kabaelanda tapno matulungan dagiti biktima.
Saan met a maliklikan a makagura dagiti kabagian dagiti pimmusay a biktima a nagturongda iti lugar ken kinagurada ti nabayag a panagresponde dagiti otoridad.
Gapu iti insidente ket nangideklara ti gobierno ti South Korea ti seven days of national mourning.
Maipalagip a ti Boeing 737-800 a Jeju Air Flight 2216 nga aggapu idiay Bangkok, Thailand gapu iti plane crash iti Muan airport kalpasan ti bird strike ken dakes a panawen.
Kabayatanna, dimmawat ti panagpadispensar ti Jeju Air kadagiti kabagian dagiti biktima.
