LAOAG CITY – Addan iti natalged a kasasaad ti estudyante kalpasan a nadungpar ti kurong-kurong iti paset ti Barangay 1 ditoy ciudad ti Laoag.
Ti biktima ket maysa a babai ken residente iti Barangay 20 iti ili ti Sarrat idinto a ti driver ti kurong-kurong ket agtawen ti 38 ken residente iti Barangay Tonoton iti ili ti Piddig.
Iti imbestigasyon dagiti otoridad, bayat nga agpalaud ti kurong-kurong kiti Rizal St. iti nadakamat a barangay idi nadungpar na ti bumallasiw a biktima nga aggapo iti abagatan ken agpaamyanan.
Gapo iti daytoy, nagsagaba ti sugat ti biktima ken dagus met a naitaray iti Gov. Roque Ablan Sr. Memorial Hospital ditoy cuidad.
