LAOAG CITY – Nakunviktaran a mabalud iti maysa agingga iti dua a tawen ti agtawen ti 19 nga estudyante a lalaki, residente iti Barangay 34, Dariwdiw iti ciudad ti Batac.
Daytoy ket gapu iti panaglabsing na iti Republic Act 9165 wenno ti Comprehensive Dangerous Drugs Act of 2002.
Ti nasao a desisyon ket inparuk-at ni Judge Francisco Quilala iti Regional Trial Court (RTC), Branch 14 ditoy ciudad ti Laoag.
Maipalagip a natiliw ti akusado iti napalabas a tawen gapu iti panaglako na ti maipagarop a marijuana iti likud iti Data Center College of the Philippines ditoy ciudad ti Laoag.
Nairekomendar met ti sag-10 ribo a pisos para iti kaso na a panagikot ken panaglako iti maipagarop a marijuana.
Iti agdama, nagtalinaed ti akusado iti Bureau of Jail Management and Penology (BJMP) ditoy ciudad ti Laoag.
