LAOAG CITY – Natay ti maysa nga estudyante a Pilipino nga agad-adal iti University of Hawaii iti Honolulu gapu iti covid-19.
Daytoy ti report ni Bombo International Correspondent Manny Pascua iti Hawaii.
Inbaga ni Pascua a binigbig ti nasao nga unibersidad ti natay nga estudyante a ni Jesryl Batara-Juan, agtawen ti 25 ken nainominar kas National Society of Leadership and Success.
Kuna na nga immakar laeng Juan iti nasao nga unibersidad idi 2019 manipod iti Honolulu Community College.
Inpakaammo ni Pascua a ni Juan ket naulimek a tao ken awan dagiti nakapulapol na sakbay a pimmusay gapu iti virus.
