LAOAG CITY – Inlawlawag ni Mr. Michael Agustin, maysa nga estudyante, residente iti Brgy. Buttong ditoy siudad ti Laoag dagiti napasamak a poon a namagsasao ti tricycle driver a ni Mr. Inosencio Domingo kontra kenkuana.
Kuna na a sakbay pay a naglugan iti tricycle 2183 nga inturong ni Domingo ket inpakpakauna nan nga inlawlawag nga adda ti dagasen na iti pagtaengan da iti nasao a barangay.
Segun kenni Agustin, inpagarupen ni Domingo a tumaray rason a namagsasao kadagiti agkakadakes a sarita nangruna iti panagbalin na nga estudyante.
Gapu iti daytoy, nasakit ti nakem ni Agustin gapu kadagiti agkakadakes a sarita nga insawang ni Domingo.
Mainaig iti daytoy, inpetteng ni Agustin a saan a timmapuak manipud iti tricycle a kontra iti nasartia ti tricycle driver.
Inbatad ni Agustin nga inpeksa na laeng iti napasamak kenkuana iti social media tapno maballaagan met dagiti dadduma mainaig iti naipakita nga ugali ni Domingo idi inlugan na ti grupo ni Agustin nga agpapada nga estudyante.
Innayon ni Agustin nga awan ti plano nan a makisarita ken ireklamo iti tricycle driver gapu ta kayat na laeng nga ipakaammo ti napasamak kenkuana.
