LAOAG CITY – Naipisuken iti Bureau of Jail Management and Penology (BJMP) ni Paul Harvey Corpuz, agtawen iti 21, baro. Estudyante iti Alternative Learning School (ALS) ken residente iti Barangay Pila ditoy ciudad iti Laoag.
Daytoy ket kalpasan a napilaan ti kaso a panaglabsing iti Republic Act (RA) 9165 wenno illegal a panagikot ken panaglako iti illegal a droga.
Maipalagip a natiliw ni Corpuz iti naiyuswat a drug buy-bust operation iti paset ti Barangay 12 iti ciudad ti Laoag itay kallabes.
Nairekomendar iti 200 a ribo a pisos a piyansa ni Corpuz para ti kaso a panagikot iti droga idinto a ti kaso na panaglako iti droga ket awan nairekomendar a pagpiyansa na.
