LAOAG CITY – Agtultuloy a maag-agasan iti ospital ti biktima iti napasamak a desgrasya iti paset ti Barangay Baay iti ciudad ti Batac.
Nabigbig ti biktima a ni Angelo Pungtilan, baro, college student ken residente met laeng iti nadakamat a barangay.
Iti imbestigasyon, kabayatan a nakaparking ti motorsiklo a nagluganan ti biktima iti igid ti Maharlika highway ket nasapgud daytoy ti nakamotorsiklo a ni Manahan Lazaro Hernandez, agtawen ti 70, naasawaan ken residente iti Brgy, Medina iti ili ti Dingras.
Gapu iti daytoy, nagsagaba ti sugat iti sumagmamano a paset ti bagi ti biktima ken naitaray iti Mariano Marcos Memorial Hospital and Medical Center iti ciudad ti Batac para iti naan-anay a pannakaagas na.
Agtultuloy ti imbestigasyon dagiti kameng ti Philippine National Police mainaig iti nasao nga insidente.
