LAOAG CITY – Maisagsaganan ti kaso a maipila kontra iti naisayangkatan ti buy bust operation iti paset ti Brgy 12 iti ciudad ti Laoag babaen kadagiti kameng ti PDEA provincial ken dagiti operatiba ti probinsya.
Nabigbig ti biktima a ni Elrick Reinedale Guillermo y Salvador, agtawen ti 21, awanan ti asawa ken estudyante ti BS in Civil Engineering iti Divine Word College of Laoag ken residente iti brgy. Tabucbuc, Marcos ngem agrenrenta ti kasera iti Brgy. 3 iti ciudad ti Laoag.
Naamoan a ti suspek ket adda iti listaan ti PNP Laoag nga adda iti SLC category wenno Street Category.
Nakumpiskar manipud kenkuana ti maysa plstic sachet a naglaon ti shabu a nagbalor ti 500 a pisos ken nagdagsen ti 0.38 a gramo babaen iti nagpammarang a police-pusher-buyer.
Malaksid iti daytoy, immunan nga adda ti narekobre iti kustodyar na ti maysa a sachet ti maatap a shabu, maysa a 500 peso bill a nausar iti operasyon, cellphone, 170 a pisos, dua nga US dollar ken dadduma pay a kagamitan ti nasao a suspek.
