LAOAG CITY – Nagkedked nga agsarita iti Bombo Radyo ti Principal ti San Marcelino National High School a ni Teresita Malana iti ili a Dingras seknan iti maysa nga estudyante a ginandat na ti agpakamatay.
Daytoy ket kalpasan a dimmanon iti report nga adda ti maysa a mangisursuro a maipagrup a pinagsasaoan na ti maysa nga estudyante na a rason a ginandat na nga agkamatay na babaen ti panagtumar ti naruay nga agas.
Inadmitir ni Malana a dimmanon kenkuana iti kastoy a report.
Nupay kasta, saan na met nga inpakasarita iti Bombo Radyo ti madakdakamat a mangisursuro a ni Luvenia Arcangel, Grade 8 Adviser.
Kuna ni Malana a kasarita na pay laeng ni Arcangel no ania iti pudno a napasamak.
Inbatad na nga adda iti mangmangngegan na a kasta iti ugali ti nadakamat a mangisursuro.
Immuna iti daytoy, kabayatan ti break-time dagiti estudyante ken madama daytoy nga agselselpon ket dita a dinillaw ni Arcangel ti nasao nga ubing idinto a pinagsawsawan na daytoy.
Gapu iti dayta, dagus a nagawid ti ubing iti balay da ken permi a nasangsangit daytoy ken agtagtagerger.
Inbatad ti ina ti ubing a 20 a tableta ti agas iti tinumar na.
Nagturong dagiti nagganak ti estudyante iti pagadalan ngem awan ti nasao a mangisusuro rason a ti guidance counselor iti nakasaritada.
Pursigido met ti nagannak nga ireklamo iti daytoy nga isyu.
