Eula Valdes, saan nga ordinario ti panagkitana kadagiti naub-ubing a katrabahona

LAOAG CITY – Saan nga ordinario nga ubbing ti panagkita ti veteran actress a ni Eula Valdes iti Kapuso child actor a ni Euwenn Mikaell.

Ni Euwenn ti maibilang a child wonder ti agdama nga henerasion.

Agkadua da Eula ken Euwenn iti drama a Forever Young.

Inadmitir ni Eula a nabayagen nga arapaapna a makatrabaho ti multi-awarded child star a nakaawat met ti pammadayaw iti Lolo and the Kid kaduana ni Joel Torre pakairamanan iti pelikula a Firefly.

Innayon ni Eula a nariparna nga adda ti extraordinary ni Euwenn idi immunada a nagkita.