LAOAG CITY – Kinondenar dagiti lider ti European Union ti maminsan manen a panangrugi ti riribuk idiay Gaza.
Iti napalabas a tallo nga aldaw, nagsasaruno ti airstrikes ti Israel idiay Gaza a dumanonen iti sumurok 500 nga indibidual ti natay.
Inkalintegan ti Israel ti nasao nga airstrike kalpasan nga inpatangken ti Hamas a saan a waya-wayaan dagiti iggemda nga hostage.
Nagpanawagan ti European Union a nasken nga insigida nga agsubli ti pannakaipatungpal ti cesefire deal nangruna iti pannakawaya-waya kadagiti hostage.
Naammoan a ti kaaduan a pimmusay a biktima ket dagiti sibilian ken ubbing banag nga immunan a binabalaw dagiti nagduduma a world leaders.
