LAOAG CITY – Kinondenar ti European Union ti panangraot ti Israel iti convoy ti United Nations Interim Force in Lebanon (UNIFIL).
Inbatad ni European Union foreign policy chief Josep Borrell a saanen nga umiso a mairamraman kadagiti miembro ti United Nations Peacekeepers.
Inlawlawagna a napateg a liklikan laengen ti Israel ti aniaman a panangiraman kadagiti United Nations peacekeeping forces.
Immuna iti daytoy, adda ti innem a Malaysian peacekeepers ti nasugatan gapu iti panangraot ti Israel.
Maipalagip nga idi pay Setiembre 30 ket binallaaganen ti Israel ti United peacekeepers a panawanen ti Lebanon gapu kadagiti naiget nga opensiba nga ipatpatungpalda.
