LAOAG CITY – Naiparuk-at ti ebidensya iti napasamak a nadara a pannakaparmek dagiti demonstrador nga indalwan dagiti estudyant iti Bangladesh iti napalabas a tawen ket maipagarop nga adda ti pammalubos ti Prime Minister iti dayta a gundaway a ni Sheikh Hasina.
Basar iti audio a naiparuk-at iti online idi Marso ita a tawen, mangngeg ditoy ti panangmandar ni Hasina iti security forces nga agusar ti lethal weapons kontra kadagiti protesters ken no makita da dagitoy ket paltogan da.
Plano met dagiti prosecutors idi Bangladesh nga usaren ti naiparuk-at nga audio kas crucial evidence kontra ken ni Hasina, a mabisbista nga awan iti special tribunal para iti crimes against humanity.
Maipalagip nga umabot iti 1,400 a tattao ti natay iti napasamak nga engkwentro iti nagbaetan dagiti otoridad ken protesters idiay Bangladesh iti napalabas a tawen.
Kabayatanna, inpetteng ni Hasina, nga iti agdama ket adda idiay India, kadwa na ti partido na nga awan ti kinapudno na ti alegasyon kontra kenkuana.
