LAOAG CITY – Maisagsaganan ti kaso a double murder kontra iti suspek a maipagarop a nangpapatay kadagiti dua nga agkabsat iti Barangay Manarang iti ili ti Vintar.
Nabigbig ti suspek a ni Erwin Rivera y Calumpit, agtawen ti 52, idinto a dagiti agkabsat a biktima ket isuda Remy Corpuz y Boromeo, agtawen ti 55 ken ni Sonny Corpuz y Boromeo, agtawen ti 41, agpada a mannalon ken agpapada dagitoy a residente iti nasao a barangay.
Segun kenni PLt. Reginaldo Dalipias, chief of police ti PNP-Vintar, idi kalman ti parbangon ket napan tinarimaan dagiti agkabsat ti pagpadanom da iti talon.
Nupay kasta, nagbalaw ti kabsat dagiti biktima a n Glory gapo ta saan na a masangpet dagitoy isut gapo na a napan na binurok kadagiti kabsat na ngem saan na a nakita dagitoy rason a nagawid.
Kunana nga iti malem, ken saan pay a nagawid dagiti agkabsat ket napan na manen binirok dagitoy ket nakita ti maysa kadagiti biktima iti agarop 200 agingga iti 300 a metro ti kaadayo na manipud iti waig.
Nakita met ti maysa pay kadagiti biktima iti agarop 50 a metro ti kaadayo na manipud iti nakakitan da iti ummuna a kabsat na.
Narekobre met ti SOCO team ti siyam a bala ti caliber 22 a paltogm kasta pay nga adda ti sugat iti ulo dagiti dua a biktima.
Iti imbestigasyon dagiti otoridad, ti makitkita a motibo iti pannakapapatay dagiti agkabsat ket riri iti daga gapo ta maipagarop a dagiti biktima ket sinerraan da ti pagdalanan ti suspek a mapan iti pagtaengan da manipud iti talon na.
Mainaig iti daytoy, naamoan nga adda ti dua a testigo a nangitudo iti suspek nga isu ti nangpapatay iti agkabsat isut gapo na a naiyuswat ti operasyon a nagresulta ti pannakatiliw ni Rivera.
Kabayatanna, naiget a naglikudan ti suspek ti alegasyon nga isuna ti nangpapatay kadagiti agkabsat nangruna ket awan met ti nagbalin a riri dagitoy.
Inpetteng na nga awan ti paltog na ken awan ti ammo na iti napasamak.
Naamoan a ti suspek ket nabalod idi 1990 gapo iti attempted robbery with homicide ken nakarwar laeng idi Marso 3, 2021.
