LAOAG CITY –
Napatawan ti dati a presidente ti Honduras a ni Juan Orlando Hernandez ti 45 a tawen.
Daytoy ket sinaruno ti kasona iti drug trafficking no sadinno a naikkan daytoy ti multa nga agbalor ti $ 8 milion.
Idi Marso, napaneknekan dagiti hurado idiay New York a nakabasol ni Hernandez iti tallo a kasona iti drug trafficking kalpasan ti dua a lawas a pannakadengngeg ti kasona iti Manhattan Federal Court.
Mainaig iti daytoy, idi 2022 ket na-extradite ni Hernandez manipud Honduras kalpasan a nangipila ti United States Department of Justice iti tallo a drug trafficking ken firearms related a kaso.
Inakusaran ti agtawen 55 a ni Hernandez gapu iti panagkaduana kadagiti drug cartles no sadinno ket ket nangiyeg daytoy ti 400 a tonelada a cocaine manipud Honduras nga agturong iti Estados Unidos.
Kabayatanna, sibibileg nga inlibak ti dati a presidente nga awan kinapaysuananna ti pammabasol kenkuana ken naimbento amin nga alegasion.
