LAOAG CITY – Maysa nga inspirasion iti kinapigsa ti pakinakem ken determinasion ni Tony Jeffries, dati nga Olympic boxer manipud idiay United Kingdom kalpasan a nagun-od ti Guinness World Records title para iti “most full extension punches in 24 hours.”
Nakairekord ni Jeffries ti pakabuklan a 147,218 a danog iti uneg ti 24 nga oras, katukad ti sumurok-kumurang 1.7 punches iti kada segundo, maysa a naisangsangayan a balligi para iti maysa nga atleta a naminsan a nabagaan a saanen a makadanog pay.
Naammoan a dati a bronze medalist iti 2008 Olympic Games ken pito a daras a national boxing champion idiay United Kingdom, kinasapulan ni Jeffries nga ibbatan ti karera kalpasan a nagsagaba ti nakana a sugat dagiti imana gapu kadagiti nagsasaruno nga injury.
