LAOAG CITY – Inadmitir ni dati a Presidente Rodrigo Duterte a binilin na dagiti dati nga hepe ti Philippine National Police a gutiguten dagiti suspected criminals a makilaban ken no aramiden da daytoy ket patayen da dagiti maseknan.
Daytoy ti inbutaktak ni Duterte iti imbestigasyon ti Senate blue ribbon subcommittee seknan iti nadara a war on drugs iti napalabas nga administrasyon.
Saan met a pinalabes ni Senadora Risa Hontiveros ti nagbalin a rebelasyon ti dati a presidente.
Kabayatanna, inadmitir pay ni Duterte nga adda ti death squad na idiay Davao ngem saan a pulis no di ket dagiti gangster.
Kuna na a nababaknang dagitoy a nakasagana a pumatay kadagiti krimimal ket adda ti pito a miyembro ti death squad na.
Basar iti dati a presidente, rinibon dagiti inpapatay na a criminal idi mayor paylaeng daytoy idiay Davao.
Inlawlawag ni Duterte a saanna a baybayadan dagiti miembro ti death squad na gapu ta nababaknang dagitoy.
