LAOAG CITY – Inpakaammo ni Atty. Arnedo Valera iti Washington D.C., a sumaruno a mangipresentar dagiti abogado ni dati a presidente Donald Trump ti depensa da iti impeachment trial.
Daytoy ket kalpasan a naipresentar dagiti video evidence mainaig iti napasamak idi Enero 6, 2021, a pannakaraot ti Capitol.
Kuna na a possible nga agpaot iti tallo nga oras iti pannakaipresentar ti depensa ngem adda ti rakurak dagiti maseknan a leppasen da ti presentasyon iti agarup 90 a minotos.
Inbatad ni Atty. Valera a mangipaay ti istratehiya da Sen. Ted Cruz ken dadduma a republican senators no kasano ti panagipresentar dagiti abogado iti depensa da intono bigat.
Inpakaammo na a ti narigat para iti biang ti dati a presidente a madepensaan ti impeachment.
Kuna na a dagiti immunan a natiliw a sumangsango iti kriminal case ket inadmitir da a nabilin da laeng babaen kenni Trump.
Innayon ni Atty. Valera nga iti mata ti publiko ket nalawag nga adda ti nagbasolan ti dati a presidente.
Ti nasao nga impeachment ket constitutional wenno addaan ti authority ti senado nga iyuswat daytoy, nupay ti presidente ket saanen a nakatugaw iti posisyon.
Iti pakasaritaan ti Amerika, ni laeng dati a Presidente Donald Trump ti nakaaramid iti gulo kabayatan iti panagtakem gapu iti gagem a mabaliktad ti botos manipud iti pannakaabak daytoy iti simmukat kenkuana a ni Presidente Joe Biden.
