LAOAG CITY – Inpetteng ni dati nga US President Donald Trump a saanen nga umannugot para iti sabali pay a presidential debate kontra iti kalaban na a ni Vice President Kamala Harris sakbay ti Presidential Election intono Nobyembre ita a tawen.
Inpalgak ni Trump a kayat manen ni Harris a maaddaan da ti maikadwa a debate gapu ta nalawag a nangabak daytoy iti umuna a panagsango da idi Setyembre 11.
Inpaganetget ni Trump a tutukan laengen ni Harris ti trabaho na kas vice-president.
Kabayatanna, insungbat met ni Harris nga utang na kadagiti botante ti sabali pay a debate kontra kenni Trump.
Maipalagip nga agpada nga ipetpetteng da Harris ken Trump a dagitoy ti nangabak iti umuna a debate da para iti 2024 Presidential Election.
