LAOAG CITY – Inlawlawag ti abogado ni Kingdom of Jesus Christ Pastor Apollo Quiboloy a ni Atty. Israelito Torreon nga awan ti nagbalin a papel ni dati a Presidente Rodrigo Duterte iti isusuko ti kliyente na.
Segun ken ni Torreon, biglaan ti nagbalin a development ken awan iti pakabuklan a proseso ti dati a presidente.
Nupay kasta, inadmitir na nga adda dagiti opisyal a nagbalin a rangtay para iti nainkapyaan nga isusuko ti lider ti Kingdom of Jesus Christ.
Kuna na a dagitoy ket dagiti soldado ken lokal nga opisyal a pagyamanan na.
Kabayatanna, saan a maawatan ti kampo ni Quiboloy ti maibagbaga nga ultimatum ti Philippine National Police para iti pastor.
Inpetteng na nga awan ti direkta a nadakamat iti statement ti siasinno man nga opisyal ti pulisya a nakisarita kadakuada, ngem kuna ni Atty. Torreon nga adda dagiti nangidanun kadakuada ti impormasyon nga agitugot ti armas dagiti otoridad iti iraraot da manen kadagiti pasdek ti Kingdom of Jesus Christ.
