LAOAG CITY – Naiget a kinondenar ni dati a Presidente Rodrigo Duterte ti naiyuswat a raid wenno panagsukimat dagiti pulis iti sanikua ni Kingdom of Jesus Christ leader Pastor Apollo Quiboloy idi Lunes, Hunyo 10 a nagresulta ti tensiyon iti bagbaetan dagiti otoridad ken miembro ti nasao a sekta nupay awan ti nasugatan.
Iti maysa nga statement, inawagan ti dati a presidente ti insidente a nalabes ken unnecessary force ti nailian a pulista uray saan nga aggapo iti ciudad ti Davao dagiti napan nangiserbi ti warrant of arrest ken ni Pastor Quiboloy.
Inpalgak na a napasamak ti nasao nga insidente iti lugar a pagdaydayawan ken school premises a saan a nakaaawat.
Sinaludsud pay ti dati a presidente a ti nasao nga overkill ti agbalin a trademark ti agdama nga administrasyon iti panangtrato kadagiti indibidwal a naakusaran laeng a nakaaraid ti krimen ken saan pay a napaneknekan a guilty.
Kwinestyunaran pay ni Duterte no pagpannurayen ti agpada a kaawan ti self-restraint a naipakita iti kritiko ti agdama nga administrasyon iti panagtrato kadagiti supporters na.
Maipalagip a ni Pastor Quiboloy ket nasinged a pagayam ken spiritual adviser ni Duterte.
