LAOAG CITY – Indanun da dati a senador Bongbong Marcos ken ni Governor Imee Marcos ti pannakipagladingit da ti pannakatay ni Vice Mayor Michael Fariñas ditoy ciudad ti Laoag.
Inaramid daytoy dagiti agkabsat a Marcos bayat iti programa ti gobernador iti maysa nga estasyon idiay Metro Manila.
Naamoan a nagbalin a guest ni Governor Marcos ni dati a senador Bongbong Marcos iti programa na.
Nupay kasta, sakbay ti programa ket ginundawayan dagiti agkabsat ti panangidanun da ti pannakipagladingit da ti pamilya ti bise mayor.
Inbatad dagiti agkabsat a kasapulan ti naan-anay a pannakapatibker ti rikna ken patinakem ni Mayor Chevylle Fariñas ken dagiti annak da ken ni Vice Mayor Fariñas.
