LAOAG CITY – Balligi a naisayangkat ti Executive Briefing ditoy siudad ti Laoag babaen ti panangidaulo ni Mayor James Bryan Alcid.
Daytoy ti inpakaammo ni Local Government Operations Officer Ms. Charis Garma.
Segun kenkuana, ditoy a naibinsabinsa dagiti accomplishment iti tunggal departamento iti lokal a gobierno pakairamanan dagiti saanda nalpas a programa, aktibidad ken proyekto.
Inbatadna a napateg a maipakaammo dagitoy a banag tapno makita dagiti kasapulan a solbaren ken no ania met dagiti ideya dagitoy tapno mabirukan ti solusion dagiti isyu iti kada opisina.
Kunana a nagbalin a nabunga ti Executive Briefing ken namnamaenna nga amin a napagsasaritaanda ket makatulong iti lokal a gobierno tapno ad-adda pay a dumur-as.
Innayonna a daytoy ket paset ti programa a NEOPLUS wenno iti Newly Elected Officials Performing Leadership for Uplifting Service.
