LAOAG CITY – Manamnama a mangiparuk-at ni Mayor Joseph De Lara iti ili ti Solsona ti executive order a mangipawil ti panagitugot ti lighter, sigarilyo ken aniaman a banag a mabalin a makaitunda ti uram bayat ti panagturong iti Solsona-Apayao road.
Daytoy ket kalpasan ti napasamak a forest fire iti nasao a lugar.
Immuna iti daytoy, inpakaammo ni De Lara nga agtultuloy ti operasyon dagiti otoridad partikular iti pannakaimbestigar ti napasamak nga uram iti bantay.
Kuna na a nasken a matagiben ti kabantayan gapu ta naruay dagiti pine trees iti lugar ken tapno mapagtalinaed ti napintas a buya iti lugar.
Kabayatanna, apaman a maisursurat ti damag ket mano-mano wenno agus-usar ti sprayer dagiti otoridad iti pannakasebseb ti apoy iti saanen a maabot ti hose.
