LAOAG CITY – Manamnama a mangipaulog ti Executive Order ti Malacañang Palace para iti pannakapapigsa ti kampania ti gobierno kontra iti online sexual abuse ken exploitation kadagiti ubbing.
Segun kada Justice Spokesperson ken Assistant Secretary Mico Clavano kabayatan ti Malacañang press briefing, insubmitir da kenni Presidente Ferdinand Marcos Jr. ti linaon ti Executive Order a maipaulog.
Mainaig iti daytoy, adalen ni Presidente Marcos Jr. daytoy ket apaman a maaprobaran ket dagus a maipatungpal ti programa kontra iti child abuse.
Inbatad ni Clavano a ti panggep a pannakairuk-at ti Exexutive Order ket tapno malapdan ti online sexual abuse kadagiti ubbing ken matulongan dagitoy nga agsubli iti normal a panagbiag ken maipaayan ti proteksion kontra kadagiti kriminal iti online.
Kabayatanna, dinakamat na ti panagadal ti United Nations a maysa iti kada sangapulo nga agtutubo nga agtawen ti 18 agpapa dagiti biktima ti seksual a panagabuso.
