LAOAG CITY – Ibilang ni Executive Secretary Lucas Bersamin a premature paylaeng a pagsaritaan ti possible a pannakaipaay ti clemency ken ni Mary Jane Veloso.
Sungbat daytoy ni Bersamin kalpasan a nasaludsud kenkuana no dakkel ti posibilidad na a patgan ni President Ferdinand Marcos Jr. ti kiddaw a clemency para kenni Veloso.
Mainaig iti daytoy, kuna ni Bersamin a saanna pay a masigurado no makipagkita a dagus ni Presidente Marcos ken ni Veloso iti isasangpet na ditoy pagilian.
Nupay kasta, inpasigurado na a daytoy ti maysa nga iprayoridad ti presidente.
Maipalagip a natiliw ni Veloso ken nasentensyaan ti dusa a patay idi 2010 kalpasan a nakumpiskaran ti illegal a droga nga agdagsen ti 2.6 kilograms idiay Indonesia, ngem kalpasan ti 14 a tawen ket napalubusan nga agawiden ditoy Pilipinas.
