LAOAG CITY – Inpakaammo ni Mr. Jomar Jasa, maysa nga OFW, chief operator ti CNC Argon Welding idiay Suwon City, South Korea tubo ti Oriental Mindoro nga adda ti naituding nga emergency exit plan ti embahada ti Pilipinas no mapasamak ti pangta ti North Korea.
Kuna na a nabayagen nga adda ti nakasaga nga exit plan ti embahada gapu ta mamindua iti kada tawen nga adda ti tensyon iti North ken South Korea.
Segun kenni Jasa, iti agdama ket saan a nakaro iti tensyon dagiti nasao a pagilian no diket ikalikagum laeng ti South Korea nga agsardeng ti North Korea ti agiwayat ti missile.
Inbatad na a normal ti sitwasyon ti North Korea kalpasan a nagturong da iti boundary iti nasao a pagilian.
Kuna ni Jasa nga ad-ado a training ti iwaywayat dagiti dua a pagilian no addaan da ti tensyon.
Innayon na a gagangay kadakuadan nga OFWs iti tinawen a tensyon iti nagbatean dagiti nadakamat a pagilian.
