LAOAG CITY – Ilunglungalong ni Senador Christopher “Bong” Go, Chairman ti Senate Committee on Health, ti pannakaipalawa ti medikal a benepisio para kadagiti baro a kaipasngay a maladaga.
Inbatad ni Go a gagemna a maipasigurado ti panag-upgrade dagiti programa ken serbisio para iti salun-at.
Naragsak ti Senador ti panagtitipon dagiti eksperto, practitioner ken panangitandudo ti pannakapasayaat iti benneg ti salun-at ditoy pagilian.
Nagpanawagan ti Senador iti PhilHealth nga iraman iti coverage daytoy ti panangagas iti 29 metabolic ken congenital disorders a mabalin a masarakan kadagiti kaipasngay.
Iti agdama, sakupen laeng ti PhilHealth ti proseso ti screening.
Naammoan nga adda ti pakabuklan a 1,100 medical professionals kas ti midwives, nurses, doctors, dietician, medical technologists ken chemists manipud kadagiti nagduduma a paset ti pagilian ti nagatendar.
