LAOAG CITY – Kinumpirmaran ni Dr. Norman Rabago, COVID-19 consultant ditoy probinsya, a maiyuswat ti expanded targeted swab testing kadagiti satelitte station.
Daytoy ket masarakan iti Brgy. Bacsil South, LCGH, iti asideg ti Texicano ken dagiti pre-registered a possible a close contact.
Inbunannag ni Rabago a kalikagum ni Gov. Matthew Marcos Manotoc ken ti PHO a malpas ti nasao a testing tapno maiyuswaten sumaruno nga addang.
Inlawlawag na a saan a kasapulan nga amin a papulasyon ditoy siudad ket dumalan iti swab test.
Kas maysa nga ehemplo, kuna na nga uray maysa a miembro iti pamilya ti dumalan iti swab test idinto no bilang agpositibo ket mabalin a maipadalan dagiti dadduma a miembro ti pamilya iti swab test.
Segun kenni Rabago, kasapulan nga aghome quarantine dagiti amin a tattao gapu ta adda ti outbreak ti COVID-19 ditoy siudad.
Kuna na nga uray negatibo ti resulta iti swab test dagiti maseknan ket masapul a makumpleto pay laeng ti 14-day quarantine.
Innayon ni Rabago a nasken kuma nga agwork form home dagiti addaan ti trabaho ngem kadagiti kasapulan na ti rumwar ket masapul kuma nga agsuot da iti PPE.
