LAOAG CITY – Inpetteng ni Department of Social Welfare and Development (DSWD) Secretary Rex Gatchalian a naiget ti pannakaipatungpal ti “Walang Gutom 2027” food stamp program.
Daytoy ket kalpsan ti rimmuar a survey a ti 22.9% a Pilipino ket makapaspasar ti panagbisin.
Ti target ti ahensia ket siguradoen nga awanen ti pamilia a Pilipino ti mabisbisinan.
Kabayatanna, ti departamento ket inpasiguradona nga ar-aramidenda ti amin para iti pannakapasayaat ti pannakaipatungpal ti programa iti intero a pagilian.
Naammoan a ti programa ket gagem a lappedan ti panagbisin ti pagilian kabayatan a maipapaayan ti oportunidad dagiti Pilipino ti job skills iti pannakikammayetda ti Department of Labor and Employment (DOLE) ken Technical Education and Skills Development Authority (TESDA).
