LAOAG CITY – Agngudon ti experimental traffic scheme ditoy siudad ti Laoag intuno Pebrero 14 ita a tawen.
Segun ken ni konsehal Jason Perera, apaman nga agngudo ti nasao nga scheme ket masapol a maadal ti pinal a maiyimplimentar ken nu adda ti maamyendaran.
Nu pay kasta, kuna na a nu awan ti agbaliw ket agsubli ti traffic scheme nu sadino a maiparit ti left turn iti rizal street ken iti airport road ditoy siudad.
Maipalagip a naaprubaran ti experimental traffic scheme idi Nobiembre itay napan a tawen ken naipalubos ti panagleft-turn dagiti lugan.
