LAOAG CITY – Nakumpirmaran ti Bombo Radyo seknan dagiti expired nga instant noodles ken kape para iti relief packs a nakapondo iti opisina ti city egnineering office iti Brgy. 1 ditoy siudad ti Laoag.
Iti nakalap nga impormasyon, a kinarkarton dagiti nasao a produkto ti nagexpired iti umuna a bulbulan ita a tawen 2020.
Adda ti 13 a karton ti instant noodles ti nagexpired idi bulan ti Enero 2020, 15 a karton a nagexired idi bulan ti Pebrero, tallo a karton a nagexpired idi bulan ti Marso ken 12 a karton a nagepired idi bulan ti Abril 2020 ken adda pay dagiti nakasako a nagduduma a klase ti instant noodles agraman dagiti expired a kape.
Kabayatanna, awan pay ti reaksiyon ti City Social Welfare and Development Office seknan kadagiti expired a a goods.
Saan pay a masinunuo no kaano a nagatang dagitoy.
