LAOAG CITY – Makaipababa ti depresyon ti exposure wenno panagbilag iti init.
Daytoy ket malaksid laeng para iti bagi ti morning sunlight nga addaan ti Vitamin D ket makapaikkat pay daytoy ti marikrikna a nadagsen nga emosyon.
Basar iti panagadal, ti day light exposure ket addaan ti 20 a porsiento a nababbaba a peggad ti depresyon. Maibilang daytoy a ‘magic’ gapu ta arig mapukaw ti nadagsen a marikrikna kabayatan a nakabilag iti init.
Karaman iti panagadal a dagiti exposed met iti night light ket masansan a makapaspasar ti 30 a porsiento a peggad ti developing depression, pakairamanan ti nangato a tsansa ti psychosis, bipolar disorder, generalized anxiety disorder, PTSD ken self-harm.
Malaksid iti daytoy, mabalin nga i-adjust ti setting ti cellphone tapno makissayan ti blue light exposure iti rabii gapu ta narisgo iti bagi ti over exposure iti cellphone.
Iti panagsukisok, ad-adda a maik-ikkan ti atension ti night exposure maidasig iti daylight exposure no sadinno mabukbukel ti mental health issues iti maysa a tao.
Makapaspasar iti psychotic disorders ti maysa a tao nga exposed iti night light gapu iti sleep patterns dagitoy.
