LAOAG CITY – Naipilan ti kaso nga extortion kontra kadagiti barangay officials gapo ti panagdawat da ti SOP manipud iti proyekto nga ar-aramiden ni Engr. Darwin Damaso a taga Brgy. 56-B Bacsil South ditoy ciudad ti Laoag itay kallabes.
Daytoy ti inpakaammo ni Police Senior Inspector Artemio Clemente, chief of police ti PNP-Banna.
Nabigbig dagiti napilaan a da Brgy. Kagawad Albert Benito, Pedro Eugenio, Carlos Bumatay, Nelson Amadi ken ti Brgy. Chairman a ni Nel Arvida, agpapada a residente iti Brgy. Naguilian iti ili ti Nueva Era.
Segun kenni Clemente, immunan nga inadmitir dagiti maseknan a dimmawat da ti SOP manipud iti nasao a proyekto.
Kabayatanna, manarimaan pay laeng ti imbestigasyon dagiti otoridad iti pannakatay ni Damaso tapno maamoan no siasinno ti mastermind iti krimen.
Maipalagip a ni Damaso ket napapatay iti paset ti Sitio San Juaquin, Brgy. Sinamar – Sitio Sta. Ana, Brgy. Valdez iti ili ti Banna idi agawid kuman ditoy ciudad ti Laoag.
