LAOAG CITY – Atapen ni Charisma dela Cruz, maysa nga Online Seller ken residente iti Brgy. Apaya ditoy ciudad ti Laoag a ti naisend kenkuana a link ti rason ti pannaka-hack ti facebok account na.
Segun kenni Dela Cruz, idi kalman ket kellaat a naglog-out ti account na ngem nailog-in na met laeng kalpasan ti sumagmamano a minutos.
Nupay kasta, kunana a kalpasan ti panangi-charge na iti cellphone na ket saan na metten a mai-log in manen ti account na ket timmawag ti kabsat na a na-hack ti account na ken ado dagiti mangipatpatulod ti mensahe iti asawa na.
Kinumpirmaran na pay a babaen iti na-hack nga account na ket adda ti nabiktima na a residente iti Gabu no sadinno ket nakaala ti 1500 a pisos.
Mainaig iti daytoy, inpetteng ni Dela Cruz a saan nga isuna ti nagkiddaw iti nasao a kantidad gapo tan a-hack ti account na.
Kageddan iti daytoy ket immapela ni Dela Cruz iti publiko a no adda man ti agmessage kadakuada babaen iti facebook account na ket nasaysayat no iblock wenno saan a sungbatan daytoy.
