LAOAG CITY – Inrakurak ti Facebook nga agpaot laengen ti maysa a bulan dagiti na-publish a bidyu iti babaen ti live broadcast iti platform-da.
Basar iti nasao nga online platform, mabalin a ma-access dagiti video, ma-replay, mai-share ken mai-download sakbay a naan-anay a ma-delete wenno mapukaw kalpasan ti makabulan.
Para met kadagiti existing archived live videos, ti Facebook ket mangiruar ti abiso iti user sakbay a naan-anay a maikkat.
Naammoan nga adda laeng 90 nga aldaw ti content creator tapno maala ti kopya kadagiti published material dagitoy.
Kabayatanna, daytoy a panagbalbaliw ket maiyallubog iti industry standards ken iti viewing behavior dagiti users-da.
