LAOAG CITY – Nagballigi ti naisayangkat a Family Planning Education and Training a nakipartisiparan dagiti kameng ti Barangay Health Workers (BHW’s) ken Barangay Service Point Officers (BSPO) ditoy ciudad ti Laoag.
Inbatad ni Mayor James Bryan Alcid a napateg ti pannakaipadal kadagiti Barangay Health Workers ti kinapateg ti panangsalwad ti salun-at ti tunggal pamilya ditoy ciudad.
Inlawlawag ti mayor a ti panangsalwad ti salun-at ket mangipakita ti panangsalwad ti masakbayan ti pamilia.
Inrakurak ni Mayor Alcid a dakkel ti akem dagiti Barangay Health Workers ken Barangay Service Point Officers (BSPO) iti panangipaadal kadagiti kabarangayan da iti kinapateg ti family planning wenno panagplano iti bilang ti agbalin nga anak.
Kuna ti mayor a no maplano a nalaing ti buklen a pamilya kangrunaan na ti bilang ti anak ket naranraniag met laeng ti masakbayan dagiti annak.
Mamati ti mayor a no awan ti family planning iti uneg ti pamilya ket agtungpal iti narigrigat a panagbiag.
