LAOAG CITY – Rugyanen ni far-right French politician Marine Le Pen ti agapela iti Paris kontra iti ruling a mangipawil kenkuana nga agpaidasig para iti aniaman a posisyon ito gobierno iti uneg ti 5 a tawen.
Ni Le Pen, agtawen ti 57, ket napaneknekan a guilty oiti panangbusbos ti pondo ti European Union iti napalabas a tawen.
Gapu iti daytoy, no saan a maikkat ti ban ket saan a makapag-kandidato para iti 2027 presidential election.
Sakbay ti panagturong ni Pen iti korte ket inbatad na a mangnamnama a napintas ti resulta ti aramiden na.
Mainaig iti daytoy, inrakurak ni Jordan Bardella, ti Presidente ti National Rally party a binukel ni Pen a ti pannakaipawil nga agpaidasig intono eleksyon iti far-right French politician ket makaalarma unay para iti demokrasya.
Kabayatanna, inbatad ni Bardella a saan a kabaelan ti agpaidasig a para presidente ngem kalikagom na ti agtaray para iti nababbaba a pwesto.
