LAOAG CITY – Naibunong dagiti farm inputs ken machineries para kadagiti mannalon babaen iti lokal a gobierno iti siudad ti Batac.
Dagitoy ket ti 1,000 units diesel fed engine waterpump, 1,800 rolls irrigation hose, 500 units 2-in-1 knapsack sprayer, 6 units walk-behind transplanter, 30 units riding type hand-tractor, 30 units multi-cultivator, 40 units rice reaper ken 40 units hold-on thresher.
Naamoan a ti pundo a naigatang kadagitoy ket manipud iti RA 7171 wenno ti Tobacco Excise Tax.
Malaksid iti daytoy, adda pay dagiti rescue vehicle a ginatang ti lokal a gobierno nga usaren ti Disaster Team no adda dagiti didigra kangrunaanna iti bagyo kas ti dua nga units amphibious vehicle, maysa nga unit water tanker, tallo nga units ti garbage compactor, maysa nga unit ti manlift, dua nga units ti dumptruck.
Kabayatanna, ti pundo a naigatang kadagitoy ket manipud iti 20% Development Fund ken General Fund.
