LAOAG CITY – Inreklamo ti maysa a lalaki a fashion designer ti maysa a babai iti estafa ken panaglabsing iti Batas Pambansa 22.
Ti agrekreklamo ket agtawen ti 46, naasawaan, fashion designer ken ti inreklamo na ket addaan ti legal nga edad, awanan ti asawa ken agpada a residente iti Barangay 2 ditoy ciudad ti Laoag.
Iti imbestigasyon dagiti kameng ti PNP-Laoag, napasamak ti panangitalek ti biktima iti 150 a ribo a pisos idi 2019 no sadinno napaay ti suspek nangisublin iti kwarta.
Naamoan nga adda ti maipagarop a panangisyu ti cheke ti suspek iti nagduduma a petsa idi tawen 2020 ngem naduktalan a ti account ti suspek ket saanen nga active.
Idi laeng Pebrero ket kinontak na ti biktima tapno agkita da iti maysa nga hotel iti Barangay 1, San Lorenzo ditoy ciudad para iti panangidiaya na a ti pagbayad a iti utang na ket nagduduma nga alahas.
Nupay kasta, saan met latta a nagbayad ti suspek isut gapo na a nagturong ti biktima iti PNP tapno agipila ti reklamo.
Iti agdama ket maisagsaganan dagiti dokumento a kasapulan para iti pannakaipila ti dua a reklamo kontra iti suspek.
