LAOAG CITY – Nagballaag ti Food and Drug Administration (FDA) iti publiko a saan a gumatang wenno mangan iti saan a nakarehistro a food product a Kersley Bakery Special Otap.
Basar iti panangberipikar ti Food and Drug Administration babaen iti online monitoring wenno post-marketing surveillance, ti nasao a food product ket saan a rehistrado ken awanan ti umiso a Certificate of Product Registration (CPR) a naisyu.
Kas nailanad iti Republic Act No. 9711, wenno ti “Food and Drug Administration Act of 2009”, ti panag-manufacture, importation, exportation, opanaglako ken panangidiaya kadagiti health products nga awanan ti umisno nga otorisasyon ket maiparit.
Gapo ta ti nasao a produkto ket saan a dimmalan iti evaluation process iti Food and Drug Administration, saan a maipasigurado ti ahensya ti kalidad ken kinatalged daytoy.
