Nagballaag ti Food and Drug Administration (FDA) mainaig iti panagusar iti peke nga agas nga ibuprofen.
Segun iti ti Food and Drug Administration Advisory No. 2024-1108, nagpakdaar ti ahensia iti publiko iti kaadda ti peke nga agas a mailaklako iti nagan a “Medicol Advance 200 mg Softgel Capsule.”
Basar iti ahensia, saan a dimmalan daytoy iti umno a measurements daytoy ken awan ti safety assurance-na.
Mainaig iti daytoy, dagiti peke nga agas ket mabalin a pakaigapuan iti risgo iti salun-at kadagiti agus-usar ken mabalin nga agresulta kadagiti saan a manamnama nga epekto wenno komplikasion.
Nagpalagip ti ahensia kadagiti konsumer nga agannad ken kitaen dagiti produkto a nagatang kadagiti mapagtalkan a tiendaan wenno botika ken maiparparegta iti asinoman a gimmatang iti daytoy peke nga ibuprofen nga isardengna a dagus ti agusar iti produkto ken ipakaammona iti Food and Drug Administration.
