LAOAG CITY – Nagballaag ti Food and Drug Administration (FDA) kadagiti consumer kontra iti unauthorized skin-lightening products a naglaon ti mercury.
Dinayaw ti Toxics Watchdog nga EcoWaste Coalition ti napaspas a tignay ti Food and Drug Administration kageddan dagiti reports nga addaan ti cosmetics a lumablabes iti allowable race limit ti mercury levels daytoy.
Ti mercury ket maipawil iti cosmetic formulations iti babaen ti ASEAN Cosmetic Directive.
Immunan a binallaagan ti Food and Drug Administration dagiti lima nga imported skin-lightening products a mailaklako iti online nga awan ti umdas a certificates of product notification.
Naammoan a karaman ditoy ti Q-nic Care Whitening Night Cream ken Q-nic Care Whitening Underarm Cream a naduktalan a naglaon ti mercury levels a 4,113 ppm ken 6,109 ppm, limmabes iti 1 ppm limit.
