Nagballaag ti Food and Drug Administration (FDA) kontra iti panaggatang ken panagusar iti ‘Scoban Mouthwash’ peach ken mint flavors gapu ta awan ti umno nga autorisasion na.
Basar iti Food and Drug Administration Advisory No. 2024-1706, ti nadakamat a produkto ket saan a nagdalan iti umno a proseso ti panangsubok, rason a saan a maigarantisado ti kinatalged ken kalidadna.
Kabayatanna, mabalakadan ti publiko a saanda nga usaren ti nasao a mouthwash ken ireportda dagiti establisimiento a mangilaklako iti daytoy iti Food and Drug Administration.
