Nangiparuk-at ti Food and Drug Administration (FDA) iti advisory maipapan iti risgo ti panagusar iti peke nga agas a Diazepam brand name a Valium.
Daytoy a peke a produkto ket naglaon kadagiti undeclared ingredients a mabalin a mangpataud iti nakaro a risgo iti salun-at kadagiti agus-usar.
Segun iti Food and Drug Administration, dagiti peke nga agas ket mabalin a mangpataud kadagiti nakaro nga epekto, kas iti saan a manamnama a reaksion ti bagi ken dadduma pay a komplikasion.
Naiget a nagballaag ti ahensia iti publiko a liklikan ti panagusar iti nadakamat nga agas.
Pinalagipan ti ahensia dagiti konsumer a gumatangda laeng kadagiti agas kadagiti lehitimo a botika ken mapagtalkan a distributor.
