LAOAG CITY –
Nangipaulog ti Food and Drug Administration (FDA) iti pakdaar kontra iti panaggatang ken panagusar iti unauthorised cosmetic product a Herolisas Whitening Mix Lotion SPF 50.
Segun iti FDA Advisory No.2024-1053, daytoy a produkto ket saan a nairehistro ken mabalin a mangpataud iti peggad iti salun-at ti publiko.
Inlawlawag ti ahensia a dagiti produkto a kosmetiko nga saan a limmasat iti usto a proseso ti ahensia ket mabalin a magpataud iti risgo kadagiti consumer.
Gapu iti daytoy, nainget nagballaag ti ahensia a liklikan ti panaggatang ken panagusar iti nasao a produkto.
Kabayatanna, nagpalagip ti Food and Drug Administration kadagiti aglaklako ken merkado a saanda nga ilaklako ti nadakamat a produkto.
