LAOAG CITY – Nabukel ti task force ti Food and Drug Administration (FDA) a nadutukan tapno mapasayaat ti pagannurutan dagiti medical device iti pagilian.
Naiyestablisar ti Task Force Obsidian tapno tulungan dagiti stakeholder a maammoan ti umiso a panangtingiting dagiti medical devices a naisubmitir para iti panangaprobar ti Food and Drug Administration pakairamanan dagiti item kas ti stethoscope, surgical scissors, syringe, ventilator, surgical mask ken guwantes.
Inbatad ni Food and Drug Administration Spokesperson Pamela Sevilla a masansan a mapaspasaran ti ahensia ket saan a sigurado dagiti stakeholders no ania ti classification ti medical devices nga us-usarenda.
Nagballaag ti ahensia a posible a saan nga inaprobaran ti Food and Drug Administration dagiti ramit para iti medikal a saan nga umiso a naarisit.
