LAOAG CITY – Nangidiaya ti Federal Bureau of Investigation (FBI) ti $100,000 wenno katukad ti P5.5-milyon iti asinoman a makaitudo iti paglemlemmengan ti suspek a nangpaltog a nakatayan ni Charlie Kirk.
Iti baet a narekobre dagiti otoridad ti high-powered rifle a mabalin nga inusar ti suspek ken sumagmamano a tugot manipud iti suspek ket saanda pay a natiliw ti suspek.
Inruaren dagiti otoridad dagiti naala a ladawan ti suspek kabayatan ti panaglibasna iti nakapasamakan ti insidente.
Maipalagip a napaltogan ni Kirk kabyatan ti panagsaritana iti maysa nga event idiay Utah.
Immunan nga inrakurak ni United States President Donald Trump a maipaayan ti Presidential Medal of Freedom, ti kangatoan a civilian award nga ipapaay ti gobierno ken ni Kirk gapu kadagiti nasasayaat nga inaramidna.
